ROXAS CITY – Ginahibalo pa sang mga katapo sang kapulisan sa banwa sang Dumarao ang suspek sa pagbuno sa isa ka mangunguma nga nakit-an sa dalan sang Barangay Calapawan, Dumarao, Capiz.
Ginapahayag nga kritikal ang kondisyon sang biktima nga ginkilala kay Norico Dorado, 35-anyos kag residente sang amu man nga barangay.
Sandig sa inisyal nga imbestigasyon sang mga katapo sang Dumarao MPS, mga pasado alas-11 kagab-i sang Biyernes, sang nagresponde ang mga kapulisan matapos nga ginpalab-ot sa ila ang report nga may lalaki nga nagahuray-ad sa dalan.
Sa ila pagtsekyar, nakit-an ang mga pilas nga ginapatihan tuga sang pagbuno sa magkatuhay nga porsyon sang lawas sang biktima.
Bangud sini, una ini nga ginpadangat sa Dumarao Medicare center kag gin-transfer sa Dao District Hospital, apang gilayon man gin-transfer sa ospital sa Iloilo bangud sa kritikal nga kondisyon.
Nahibaluan nga bisperas sang kapiyestahan sa ila nga Barangay kahapon sang Biyernes.
Nagapadayon ang imbestigasyon sang kapulisan angut sa insidente.
