DAO CAPIZ – Patay ang isa ka mangunguma matapos ginapatihan nakuryente sa Sitio Balud Brgy. Duyoc, Dao, Capiz.
Ang biktima amu si alyas “Ronald”, yara sa legal nga pang-edaron kag residente man sang nasambit nga lugar.
Sa interview sang Bombo Radyo kay Police Captain Rian Ampoyos, hepe sang Dao Municipal Police Station, papauli na kuntani ang amu nga mangunguma sa ila nga puluy-an sang aksidente sini nga nasalapay ang nagalaylay nga kuryente rason nga gintunaan sang iya kamatayon.
Ginpahayag pa sini nga bangud man sang mabaskog nga hangin kag pag-ulan-ulan sa lugar rason nga nautod ang kuryente.
Dugang pa sini nga madulom ang lugar bangud sa kakulangan sang suga sa palibot kabangdanan sang amo nga insidente.
Sa karon yara na ang bangkay sang amu nga biktima sa isa ka punerarya samtang nagapati naman ang pamilya sang biktima nga wala sang foul play sa natabo nga insidente.
