ROXAS CITY – Liwat nga magapatigayon sang ‘Manindahan ta’ ukon ang mobile market “Kalan-onon special” sang provincial government kun sa diin mahimo makabakal sang mga manami nga kalan-onon, nagikan sa mga local producer sa probinsya nga nahamtang sa Capiz provincial park.
Sa interview sang Bombo Radyo kay Mr. Alfonsus Tesoro, Provincial Tourism and Cultural Affairs Office (PTCAO) head nga tinutuyo sang nasambit nga programa nga mabuligan ang mga local producer tourism site kag mga local vendors ukon mga organisasyon sa probinsya.
Dugang pa ni Tesoro nga ini ang kabahin sang Recovery and Rehabilitation plan sang Provincial Tourism and Cultural Affairs Office (PTCAO).
Ginpahayag man sini naga wala sila nagasukot sang bayad sa mga vendors nga nagabaligya.
Nahibaluan nga ginapatigayon ang ‘Manidahan ta!’ kada ‘payday’ sang bulan nga nagasugod takna alas-8 sa aga.
Sa pihak nga bahin, ginsiling man ni Tesoro nga madamo sang mga lalagawan sa aton probinsya ang nadiskubrehan kag nakilala apisar sa tunga sang pandemya dala sang COVID-19.
Hugot man nga ginapatuman ang aminimum health protocol sa lugar.
