Arestado ang isa ka manunudlo nga lalaki kag isa ka iloy sa duha ka mga separado nga operasyon nga ginpatigayon sa Leyte kag Cavite bangud sa ginaalegar sexual abuse sa mga menor de edad.
Ginserbehan sang Philippine National Police (PNP) Women and Children Protection Center (WCPC) sang warrant agud ma-search, makumpiska kag ma-examine ang computer data sa balay sang manunudlo sa Indang, Cavite.
Natukiban sang otoridad ang electronic gadgets nga may 32 indecent videos sang manunudlo kag anum ka mga junior high school students.
Ang ginaalegar sexual abuse ang nagakatabo sa balay sang manunudlo pagkatapos sang klase.
Ginaalegar ginahatagan sini ang mga estudyante sang P100 tubtob P300 kada paghimo sang amo nga akto.
Nagpatigayon sang operasyon ang WCPC matapos nga nagguwa online ang videos sang manunudlo kaupod ang ginaalegar mga biktima nga estudyante.
Ang manunudlo ang nagapangatubang sang paglapas sa Anti-Online Sexual Abuse ukon Exploitation of Children and Anti-Child Sexual Abuse ukon Exploitation Materials Act, may kaangtanan sa Cybercrime Prevention Act.
Samtang sa Abuyog, Leyte, arestado naman ang babaye bangud sa ginaalegar sexual abuse sa iya tatlo ka mga kabataan kag apat ka mga himata nga lunsay mga menor de edad.
Ang ginapahayag buyer sang video ang ginaalegar isa ka Norwegian citizen nga nagatinir sa guwa sang pungsod.
