-- ADVERTISEMENT --
ROXAS CITY – Nagapanindugan ang market vendor sa Roxas City nga indi makaigo ang P500 nga budget para sa Noche Buena baliskad sa nangin pahayag ni Department of Trade Secretary Cristina Roque.
Sa interview sang Bombo Radyo kay Nelfa Dacillo, market vendor, iya ginpahayag nga kun P500 lang ang kwarta niya, wala man siya choice kundi paiguon ini agud may ihanda sa ibabaw sang lamesa.
Apang kun sa realidad suno sa iya, kulang ang P500 nga noche Buena para sa isa ka pamilya sa diin posible maglab-ot pa sa masobra linibo ang maggasto agud may ibakal sang mga pagkaon.
Dugang pa sang natungdan, bangud duha lang man sila sang iya apo sa sulod balay, sarang na nga maigo ang P500 para sa noche Buena.
