Dismayado si Capiz Governor Fredenil Castro sa mga reklamo nga nakalab-ot sa iya talatapan nga natuhoy sa masami late nga pagserbi sang pagkaon sa Mambusao District Hospital.
Nakaabot sa gobernador nga nagapinangutang ang nutritionist sang amo nga ospital sa mga tyangge sa tabok sang ospital para lamang nga idugang sa pagkaon sang mga medical personnel kag iban pa apisar nga suno kay Castro bastante man ang pondo nga ginahatag diri.
Pahayag sang gobernador, indi sini kilala ang nutritionist sa karon sa nasambit nga ospital apang, kun mapamatud-an sini nga may sayup nga nagakatabo sa ospital, magapangatubang ini sa pila ka mga panumbungon.
Dugang pa sini nga indi pwede nga gina-agrabyado ang gobyerno probinsyal ilabi na ang mga nagaserbisyo nga medical staff kag mga pasyente nga nagapabulong.
Nagpanawagan man si Castro sa heads sang mga ospital, dapat maghalong ang mga ini sa mga subordinates nga nagahimo sang mga butang nga nagapanamad sa operasyon sa amo nga ospital.
