Masobra 600 ka mga PUJ drivers sa probinsya sang Capiz, nabaton na ang P5000 nga cash relief assistance halin sa Department of Social Welfare and Development.

Nabaton sang masobra 600 ka mga Public Utility Jeepney ukon PUJ drivers sa probinsya sang Capiz ang cash relief assistance halin sa Department of Social Welfare and Development.

Sa interview sang Bombo Radyo kay Cerelo Cerestial, driver sang Jeep nga may byahe nga Jamindan, Capiz – Roxas City ang vice versa, iya ginpahayag nga Dako ang pagpasalamat sa nabaton nga subsidy.

Suno kay Cerestial, nga kabay pa indi lang ini isa ka bes nga ayuda bangud padayon man ang pagsaka sang presyo sang mga balaklon.

Nagpasalamat man ini sa gobyerno bangud ginakabig niya ini nga dako nga bulig sa ila pangabuhi kag sa padayon nga operasyon sang pampubliko nga transportasyon sa probinsya.