May masobra 77 milyon nga balot ang naisip sa 47 estado kag sa District of Columbia sa nagapadayon nga piniliay sa US.
Base sa pagrekord sang ila mga eksperto nga ang voters turnout subong nga tuig ikumparar sang 2020 ang manubo bangud may 110 milyon Americans ang nakaboto sang timprano in-person ukon sa by-mail.
Padayon ang pagkampanya nanday US Vice President Kamala Harris kag anay US President Donald Trump.
Yara na sa North Carolina si Trump kun sa diin nanawagan ini nga iboto ini.
Nagpromisa ini nga iya ipasara ang US border sa Mexico.
Ang North Carolina ang may masobra na 10.4 milyon nga ka indibidwal kag may 16 electoral college votes.
Sang 2020 election, ginlutos ni Trump si Joe Biden sa North Carolina.
Samtang si Harris naman, padayon ang pag-abi-abi sa Penssylvania nga isa sa mga crucial battleground states.
Wala man nagauntat ang ginahimo sini nga pag-abi-abi sa mga solid supporters sini nga mga black women.
Ginganyat naman ni Republican vice presidential nominee JD Vance ang mga botante sang Wisconsin nga iboto si Trump kag ginsiguro sini nga indi sila maghinulsol.
Yara na sa Wisconsin man si Minnesota Gov. Tim Walz kag padayon ang ginganyat niya na si Harris lamang ang mangin susi sa kadalag-an nga botohan sa US.
