Gin-aprubahan sang Land Transportation Franchising and Regulatory Board (LTFRB) ang special permits para sa kabug-usan nga 829 units sang public utility vehicles (PUVs) para sa ginalauman nga pagdagsa sang mga pasahero nga magapauli kag magapadulong sa polling precincts agud magboto sa adlaw sang eleksyon sa Lunes, Mayo 12.
Suno kay LTFRB Chair Teofilo Guadiz III, sa 880 ka mga aplikasyon para sa special permits, 829 ang na-aprubahan.
Ang amo nga mga special permit ang balido halin sang Mayo 9 tubtob Mayo 18 sang subong nga tuig.
Gin-athag sang hepe sang LTFRB nga pinaagi sa paghatag sang special permits sa nasambit nga mga PUV units, ang mga pampubliko nga salakyan ang makabiyahe sa iban nga ruta magluwas sa ila authorized routes agud maserbisyuhan ang mas madamo nga pasahero sa adlaw sang eleksyon.
Ginalauman suno sa iya nga mas madamo ang magapadulong sa ila tagsa ka mga polling precincts agud magboto rason nga ginbuksan na ang application para sa special permits.
