ROXAS CITY – Wala anay gin-aprubahan sang konseho sang siyudad ang urgent request nagikan sa opisina ni City Mayor Ronnie Dadivas nga P25,477,135.70 nga supplemental budget sa Sangguniang Panlungsod.
Ini ang ginpahayag ni City Councilor Jericho Angel Celino sang mainterview sang Bombo Radyo.
Suno kay Celino nga pagatun-an pa sang konseho sang siyudad ang amo nga kantidad kun sa diin ini pagagamiton.
Nahibaluan nga ang nasambit nga Supplemental Budget ang naghalin sa Maintenance and Other Operating Expenses ukon MOOE.
Bangud diri, natalana nga magpatawag liwat sang committee hearing ang Sangguniang Panlungsod kun sa diin pagaistoryahan nila ang nasambit nga urgent request sang alkalde.
Kalakip sa mga nagkwestyon amo sanday City Councilor Midelo Ocampo, Moreno Gonzaga kag Celino.
Samtang, pagatun-an man sang Sangguniang Panlungsod kun dayunon pa ang pagbaton sang ambulansya nga igadonar ni certain Doc. Don Chiyuto sa siyudad sang Roxas.
Ini matapos nga natukiban nga indi aprubado sang Security and Exchange Commission ukon SEC ang korporasyon sini.
Matandaan sang damlag lang gin-aprubahan na sang Sangguniang Panlungsod ang resolusyon natuhoy diri.
