Ginreport ni Ukraine Commander-in-Chief Oleksandr Syrskyi kay Ukraine Presidente Volodymyr Zelensky nga nadakpan sang ila nga pwersa ang masubra 100 ka Russian troops sadtong nakaligad nga adlaw Agosto 14.
Suno naman kay Zelensky, nagpasalamat siya sang ila tanan suldado nga involved sa operasyon kag sa pagluwas sa mga bihag sang Russia nga magapadasig sa pagbalik sang mga prisoners of war nga hawid sang Russia nga makabalik sa ila mga pungsod.
Ginpahayag naman ni Syrskyi nga naka-abanse na ang Ukrainian forces nagikan sa 1 kilometer sa 2 kilometers sa nagkalain-lain nga lugar sumugod maga-aga sang Miyerkules.
Matandaan nga ginlunsyar sang Ukraine military ang sorpresa nga cross-border incursion sa pihak nga Kursk Oblast sadtong Agosto 6 kag nakontrol ang 74 nga settlements sa rehiyon sadtong Agosto 13 sa tinutuyo nga maprotektahan ang ila pumuluyo nagikan sa mga ginlunsyar nga strike sang Russia nagikan sa nasambit nga rehiyon.
