Lauman nga magataas man ang presyo sang kuryente sa pungsod kasunod sang pagsaka sang global fuel prices bangud sa nagapadayon nga tension sa Middle East.
Suno sa Energy Regulatory Commission, mahimo nga magtaas ang presyo sa Wholesale Electricity Spot Market (WESM) sandig sa projections sang Independent Electricity Market Operator of the Philippines (IEMOP).
Kun mag mahal ang gatong, dako ang posibilidad nga magasukot man sang dako ang power plants para sa kuryente.
“This is part of our proactive approach. We conduct stress tests to understand possible risks early and ensure that consumer protection mechanisms are in place should global fuel volatility persist,” suno kay ERC Chairperson kag Chief Executive Officer Atty. Francis Saturnino Juan.
Nagmandu naman ang Commission sa IEMOP kag ERC Market Operations Service nga i-monitor sang maayo ang market activities kag i-report ang unusual ukon ginasuspetsahan nga market behavior agud malikawan kag mapunggan ang pagpang-abuso ukon pagpamintaha sa sitwasyon subong.
