Matadero patay matapos nakuryente sa Capiz

ROXAS CITY – Patay ang 39 anyos nga matadero matapos nakuryente sa Barangay Salcedo, Dumarao, Capiz.

Ginkilala ang biktima nga si Eliseto Bedia sang nasambit nga lugar.

Ginakaayo sang biktima ang linya sang kuryente sang hinali na lamang ini nagkurog.

Lipod sa ihibalo sang biktima nga open wire ang iya ginhawiran.

Gilayon nga gindala sa ospital ang biktima apang gindeklarar nga dead on arrival sang doktor.

Samtang nagapati ang pamilya sang biktima nga wala sang foul play sa kamatayon sang ila himata.