Gin-anunsyo sang Department of Agriculture (DA)nga magapabilin sa P43/kilo ang maximum suggested retail price (MSRP) para sa 5 percent broken imported rice.
Suno sa DA, ginmentinar ang presyo samtang ginakompleto sang gobyerno ang mga pamaagi para sa mas mataas nga import tariff.
Suno kay Department of Agriculture Sec. Francisco Tiu Laurel, ang anuman nga adjustment sa maximum suggested retail price ang ikonsiderar pagkatapos sang implementasyon sang mas mataas nga taripa sa imported rice.
Dugang pa niya, ang rice import tariff ang pataason sa 20% gikan sa 15% sang Enero 16, 2025 agud masunod ang regulatory kag procedural requirements.
Matandaang, una na nga nagmando si President Ferdinand “Bongbong” Marcos Jr. sang apat ka bulan nga moratorium sa importasyon sang bugas umpisa Setyembre 2025 agud suportahan ang presyo sa farmgate sa tion sang wet-season harvest umpisa Oktubre.
