ROXAS CITY – Ginkumpirmar sang Municipal Disaster Risk Reduction and Management Office (MDRRMO) sang banwa sang Sapian nga coordinated ang ila report sa Municipal Social Welfare and Development (MSWD).
Sa interview sang Bombo Radyo kay Mrs. Almira Cordova, pinuno sang MDRRMO sang nasambit nga banwa, ginpahayag sini nga base sa ila monitoring sa kasagsagan sa pagbinaha-baha nakita nila nga halos apektado tanan ang mga households sa mga kabarangayan sa ila banwa.
Mahibaluan nga may yara sang kabug-usan nga 10 ka mga pamilya ang nag-evacuate, kun sa diin sa Brgy. Majanlud may yara sang 2, Brgy. Dapdapan 5 kag Brgy. Pob Ilawod nga may 3, apang ang apektado sa kalamidad ang nagdangat sa 7,690 families nga may numero nga masobra 26,000.
Nagalaom naman si Cordova nga may makuhaan sang pondo para ayuda agud ipanagtag sa mga apektado nga pamilya.
