ROXAS CITY – Nagahilibion nga nagpadulong sa Roxas City Police Station ang 14-anyos nga babayi matapos nga ginaalegar gintayaan ini sang kutsilyo kag ginkastigo sang driver sang kolorum nga tricycle sa syudad sang Roxas.
Natabo ang insidente mga ginabulubanta alas-8:00 kagab-i, sa isa ka coastal barangay diri sa syudad kun sa diin magapauli na kuntani ang dalagita sa ila puloy-an sang nagsakay ini sa kolorum nga tricycle nagaduag berde.
Apang, sa iya alegasyon, nagpundo ang tricycle kag gintayaan ini sang kutsilyo kag ginpahidan sang likido ang iya nawong rason sang iya pagpangluya.
Bangud sa tuman nga kakugmat, wala masaysay sang dalagita kun paano ini nakaluwas sa amu nga hitabo.
Ginaalegar nga may tuyo nga pagpanghimulos ang motibo sang suspek.
Sa karon, padayon ang paghibalo sa identity sang amu nga driver.
