-- ADVERTISEMENT --
ROXAS CITY – Patay ang isa ka menor de edad matapos malumos sa ginpaliguan nga suba sa Badbaran River sa Sitio Cabugao, Barangay Dacuton, Dumarao, Capiz.
Ang wala na ginhingadlan nga biktima ang nagaedad sang 17 anyos kag residente sang Mandurriao, Iloilo.
Mahibaluan nga kaupod sang biktima ang iya mga abyan nga nagpadulong sa suba agud magpaligo.
Papuli na kuntani ang mga ini sang nagbalik pa ang biktima sa suba agud maglangoy.
Diri kag wala na nakabutwa pa ang biktima kag makaligad ang halos tunga sa oras nakit-an na lamang ini nga nagapautaw-utaw sa isa ka porsyon sang suba.
-- ADVERTISEMENT --
Gilayon nga gindala sa ospital ang biktima apang gindeklarar nga dead on arrival sang attending physician.
