ROXAS CITY-Pilason ang 11-anyos nga bata nga lalaki matapos nabungguan sang motorsiklo sa Barangay Dolores, Dumalag, Capiz.
Sandig sa inisyal nga imbestigasyon sang Dumalag Municipal Police Station nga samtang ginasubay sang motorsiklo ang dalan sakay ang driver nga si Reynante Polluna ginaalegar nga hinali na lamang nga nagtabuk sa dalan ang biktima rason nga aksidente na lamang ini nabungguan.
Nag-angkon sang pilas sa ulo ang biktima nga gindala sa Dao Distriict Hospital apang ginsaylo man sa isa ka pribado nga ospital kag padayon nga ginabulong.
Samtang ang driver naman nga si Polluna ang nag-angkon sang kapilasan sa kalawasan nga gindala sa Dao District Hospital kag padayon nga ginabulong.
Sa karon nagapadayon pa ang imbestigasyon sang mga kapulisan natuhoy sa insidente.
