Naka-full alert status ang pila ka mga ahensya sang gobyerno agod masiguro ang kaluwasan kag seguridad sang publiko sini nga Semana Santa.
Nagsugod na ang full alert sang Philippine National Police (PNP) halin sang Marso 31 tubtob Abril 5, 2026, kun sa diin yara sa halos 98,000 ka mga pulis ang gin-deploy sa bug-os nga pungsod.
Kalakip na ang mga simbahan, pilgrimage sites, transport hubs, kag mga tourist destinations agod malikawan ang bisan ano nga insidente.
Samtang, naka-full alert man ang Philippine Coast Guard (PCG), nga may kapin 17,000 ka mga personnel nga ginpangdeployy sa mga seaports kag maritime routes sa idalom sang “Oplan Byaheng Ayos.”
Gindeklarar man sang Bureau of Immigration (BI) nga naka-full force ang ila mga personnel sa mga airports agod mangin handa sa pagdagsa sang mga pasahero nga nagapauli sa ila tagsa ka mga probinsya.
