Magapanumbalik ang mga ambulant vendors sa Circumferential Road sa Barangay Dayao, Roxas City.
Ini kasunod sang ginpatigayon nga clearing operation sa mga manugbaligya sa amo nga lugar sang damlag lang.
Sa interview sang Bombo Radyo kay 1st District Board Member Pepe Del Rosario, iya ginpahayag nga posible magapanumbalik ang mga vendors, apang may yara sang mga kinahanglanon nga pagsulundan nga ipatuman.
Suno kay Board Member Del Rosario, mahimo magpabilin ang mga vendors sa kondisyon nga indi sila magbutang sang bisan ano nga obstruction sa portion sang dalan nga sakop sang national road.
Dugang pa sini, Kinahanglan man nga sundon sang mga vendors ang mga patakaran kag ipatuman ang mga “dos and don’ts.”
Gintugutan man sang Department of Public Works and Highways (DPWH) ang mga vendors nga magamit ang porsyon sang dalan, apang indi maglapaw sa mga ginaagyan sang salakyan kag kinahanglan man nga mentenaron ang kalimpyo sang lugar.
Nahibaluan nga pila ka mga vendors ang nagsaylo sa Pueblo Terminal matapos ginserbihan sang notice sang Department of Public Works and Highways.
