Mga apektado nga indibidwal sa Capiz bangud sa pagbaha tuga sang Bagyo Ramil, naglab-ot sa masobra 72k sandig sa OCD Region 6

ROXAS CITY, CAPIZ – Naglab-ot na sa 72,039 ang apektado nga indibidwal ukon katumbas sang 19,494 families bangud sa pagbaha tuga sang mamunog nga ulan dala sang bagyo Ramil sang Sabado, Oktubre 18.

Sa data sang Office of Civil Defense Region 6, may yara pa sang 4,878 ka mga indibidwal ang nagapabilin sa Evacuation Centers kag 3,551 naman ang mas ginpili nga magtinir sa ila kakilala ukon himata.

Sa mga balay nga nagguba, may yara sang 11 ka mga partially damaged kag pito naman ang totally damaged.

Sa subong, ang syudad sang Roxas pa lang ang nakadeklara sang State of Calamity.