Uso na gid subong ang paggamit sang artificial intelligence.
Apang kinahanglan nga responsable ang publiko sa paggamit sang AI kag indi ini pag-abusohon.
Apang didto sa China, may mga babaye nga nakit-an ang ila ideal boyfriend sa isa ka artificial intelligence.
Suno kay Wang Xiuting, isa ka estudyante sa Beijing, mabudlay makakita sang “ideal boyfriend” sa tunga sang lain-lain nga personalidad rason nga ginpili niya nga magpalangga sang isa ka AI.
Ini mahimo i-customize base sa luyag mo man nga mangin edad niya, personalidad, kag mga kalingawan.
Sa isa ka pindot lang sa chatbox, mahimo mo na makaistorya ang imo nga AI partner, wala sang paglikaw, wala sang away kag labi sa tanan always available ini sa bisan ano nga oras.
Ti kun ikaw single, sarangan mo man bala magpalangga sang AI? ukon mahulat kana lang sa the right one nga mahimo mo makup-an kag ma date?
