Nakalab-ot na kay Interior Secretary Benhur Abalos ang pagpamalibad sang pila ka mga barangay kapitan sa syudad sang Roxas nga maghatag sang indigency certification kung magpangayo ang ila nga mga constituent.
Sa interview sang Bombo Radyo kay Board Member Pepe Del Rosario nga madamu sang mga pumuluyo nga nagareklamu nga wala ginahatagan sang Certification sang ila nga kapitan kung ini ang ma identify nga kontra ukon magapangayo sang bulig sa iya opisina kag kay Congressman Howard Guinto.
Suno pa kay Del Rosario nga sang napalab ot ini nga concern kay Abalos nagmando ini nga mahimu sila nga mareklamu para mapanaugan sang nagakaigo nga penalidad.
Pagklaro sini nga ang certificate of indigency ang kinahanglan sa pagpangayo sang financial assistance,ginapangitaan lng nila sang paagi nga makabaton sa gihapon ang resipiente kung wala ini mapakita nga certipikasyon.
Dugang pa ni Del Rosario wala pagid nila ginapahulam nga magamit ang ila nga covered court kung mga kinahanglan sang distribusyon sang ayuda sa ila barangay.
Nagapangabay ini nga kung magbalibad ang mga opisyal sa pag isyu sang indigency indi magpangduwa duwa nga ireklamu sa DILG.
