Yara na sa halos sa 170 ka mga barko ang nag-agi sa Strait of Hormuz humalin sang Hunyo 18, kasunod sang pagpirma sang Estados Unidos kag Iran sang kasugtanan nga tapuson ang gyera sa Middle East, suno sa maritime intelligence report.
Apisar sang pagtaas sang mga barko nga nagaagi sa nasambit nga ruta, mas nubo ini kompara sa antes nga average nga 138 ka barko kada adlaw antes ang nagluntad nga kagamo sa rehiyon.
Base sa ship-tracking data, sobra 200 ka oil tanker ang nakita nga nakapwesto sa sulod sang Strait of Hormuz kahapon.
Sa pareho nga tinion, nagnubo man ang presyo sang Brent crude oil, nga nagbalik sa pinakaubos nga lebel humalin sang nag-umpisa ang tensyon sa Middle East.
Pila sa mga tanker nga nakatabok sa nakaligad nga mga inadlaw ang ginreport nga may kaangtanan sa Iran kasunod sang ginpatuman nga naval blockade sang Estados Unidos bilang kabahin sang nasambit nga kasugtanan.
