ROXAS CITY, CAPIZ- Nangin mabakal ang mga bulak sang Valentines Day apisar sang mataas ang presyo sini.
Sa interview sang Bombo Radyo kay Louisa Dela Peña, iya ginpahayag nga hapon na sang Valentines Day nagdugok ang mga tawo nga naghingabot sa pagbakal sang bulak.
Samtang, madamu naman sang nagpa-reserve sang bulak kag nagpahimo sang money bouquet sa ila.
Suno kay Dela Peña, nagpataas sila sang presyo bangud nagtaas man ang kuha nila sa ila supplier gikan sa Baguio, Dangwa, Cagayan kag Cebu.
Pahayag pa niya, mas mataas ang presyo sang bulak sa subong kun ipaanggid sa pareho nga tion sang nagligad nga tuig.
Nagapasalamat man ang natungdan sa tanan nga manugbakal nga nagsalig sa ila serbisyo kag produkto.
INTERVIEWED BY: BOMBO ROADNIE DABAN DALANON
