ROXAS CITY – Linibo nga mga deboto ang nagdagsa sa tuigan nga Pasyon ni Kristo sa banwa sang President Roxas, Capiz sa pihak sang mainit nga panahon.
Indi lamang mga deboto nga Pilipino kag katoliko ang nagsaksi diri bangud nakita man ang presensiya sang pila ka mga turista nga nagakuha sang litrato kag video sa nasambit nga aktibidad.
Ginkalipay naman sang organizer kag cast ang nangin kadalag-an sang aktibidad, bangud indi lamang luha ang ila ginpuhunan kundi kalakip diri ang dedikasyon kag kabakud sang buot.
Ginpabugal man sang organizer nga ang ila banwa amo ang una nga nagpatigayon sang Pasyon ni Kristo sa probinsiya sang Capiz sang 1975 kag nagpadayon ini tobtob sa karon
Nagaluam man sila nga pinaagi sa amo nga aktibidad magtatak sa pinsar sang tanan ang gin-agihan nga kasakit, pagkamatay kag pagkabuhi ni Jesus nga nagpakatawo para maluwas ang tanan nga kasal-anan sang katawhan.
