ROXAS CITY –Aminado ang pamunuan sang Roxas Memorial Provincial Hospital (RMPH) nga may pila ka mga contractual kag job order employees nga wala masuweldUhan sang pila ka bulan sa nasambit nga ospital.
Ini ang ginpabuytag ni Mrs. Tessa Miranda, Administrative Officer-IV sang Roxas Memorial Provincial Hosipital sang mainterview sang Bombo Radyo.
Gin-athag ni Miranda nga may yara na sang masobra 97 porsyento ka mga contractual kag mga job hire employees nga nakabaton sang suweldo sang bulan sang Marso.
Apang aminado ini nga may pila sa gihapon ka mga contractual kag job hire employees nga wala masuweldohan bangud sa kakulangan sang ginapangita nga requirements.
Suno kay Miranda may pila ka mga newly hired employees nga wala pa makasumiter sang ila mga requirements kapareho sang Automated Teller Machine (ATM) cards kag BIR dokuments.
Magluwas diri may yara man sang iban nga tubtub subong wala makasumiter sang ila mga Daily Time Records (DTR) sa Human Resource Department.
Bangud diri indi gilayon maproseso ang ila nga mga suweldo bangud kulang ang ila ginsumiter nga mga rekisitos.
Samtang ginpakamaayo ni Miranda sa mga wala pa naka-suweldo nga mga empleyado nga magpadulong sa talatapan.
