Maga-file sang bag-o nga ebidensya ang prosecution panel sa kaso nga impeachment batuk kay VP Sara Duterte, lakip na ang gina-alegar undeclared personal assets sa iya Statement of Assets, Liabilities, and Net Worth (SALN).
Suno kay Bicol Saro party-list Rep. Terry Ridon, ang bag-o nga ebidensya kaanggid sa mga nauna nga isyu angut sa bank accounts nanday Duterte kag asawa sini nga si Manases Carpio nga gin-istoryahan sa House hearings.
Ginsiling sini nga minilyon ka pesos ang balor sang amo nga mga propiedad kag ginpanindugan nga mas importante ang isyu sang non-disclosure sa SALN kon ipaangid sa kabug-usan nga balor sang manggad.
Ginhatagan man niya sang importansya nga importante man nga isyu ang indi paglakip sang mga assets sa SALN sa impeachment trial ni anay Chief Justice Renato Corona sadtong 2012.
Ginalauman nga mapresentar ang bag-o nga ebidensya sa pre-trial conference antes ang pormal nga pagsugod sang impeachment trial sa senado.
