Mga ginikanan sa Roxas City, preparado sa ila nga mga estudyante sa pagbukas sang klase

Preparado na ang mga ginikanan sa Roxas City para sa pagbukas sang klase sa School Year 2026-2027.

Sa interview sang Bombo Radyo kay Jennifer Galagate, isa ka iloy nga may duha ka kabataan nga estudyante, iya ginpahayag nga nakabakal na siya sang mga kinahanglanon nga school supplies para sa iya mga anak bilang preparasyon sa  pagbukas sang klase.

Suno kay Galagate, aga pa siya nagabugtaw kada adlaw agud magpreparar sang tanan nga kinahanglanon sang iya duha ka mga estudyante.

Dugang pa sini, padayon ini nga nagapangabudlay agud masuportahan ang edukasyon sang iya mga kabataan kag dako  iya  paglaom nga makatapos ang mga ini sa pagtoon.