Natalana nga ipatuman sang gobyerno ang clearance fee nga P60 kada metriko tonelada sa mga imported sugar alternatives kag pila ka sugar-based products.
Suno sa Sugar Regulatory Administration (SRA) ang mga alternatibo sa asukar nagalakip sang sucrose, flavored syrups kag bisan ang puti nga tsokolate kag chewing gum.
Ang nasambit nga clearance fee nga P3 kada 50-kilogram bag ukon P60 kada metriko tonelada ang mas manubo sa una nga proposal nga P10 kada bag ukon P200 kada metriko tonelada.
Una, ginpahayag ni Agriculture Secretary Francisco Tiu Laurel Jr., nga nagapamuno sa SRA Board nga ginpanubo nila ang clearance fee bangud sa interes sang mga beverage makers kag industrial users.
Ang nasambit nga clearance fee ang mangin epektibo pagkatapos sang 30 ka adlaw kon ini ang i-file sa Office of the National Registrar sa UP Law Center.
