ROXAS CITY – Napulo ka mgainvestors sang Double your Money Investment Scheme sa probinsiya sang Capiz ang nagdangup sa talatapan sang National Bureau of Investigation (NBI) Region 6 para i-reklamo si Patroceño Don Chiyuto, CEO sang Chiyuto Creative Wealth Document Facilitation Services (CCWDFS).
Sa exclusive interview sang Bombo Radyo Roxas kay Atty. Jeremiah Sargado, Asst. Regional Director sang NBI-Region 6, naghatag na sang ila sworn statement ang nasambit nga mga investors matapos nga wala ginbalik ni Chiyuto ang ila nga investment nga nagalab-ot sa P50 milyones.
Sa karon ginahulat na lamang ang pila ka mga papeles gikan sa Securities and Exchange Commission (SEC) antes pasakaan sang kaso ang kontrobersiyal nga si Chiyuto sa masunod nga semana.
Samtang kalakip sa mga kaso nga posible ipasaka kay Chiyuto amo ang estafa, large scale estafa ukon syndicated estafa.
