Nagpabutyag sang sentimyento ang pila ka mga kandidata sang Mutya sang Roxas City 2025 sa mga nagkatabo nga kalamidad sa pungsod.
Sa interview sang Bombo Radyo kanday Charlotte Christine Valgomera, Ma. Carmela Ochenta, Ma.Rica May Pablo,Francesca Joy Bellosillo kag Maeca Delfin, mga kandidata sang palaabuton nga Mutya sang Roxas City, ila ginpakigbahin ang ila mga sentimyento sa nagakatabo sa kalamidad sa atun pungsod.
Suno sa ila, ang mga nagakahanabo nga kalamidad kasubong sang linog kag bagyo ang kinahanglan nga preparahan agud mahagan-hagan ang epekto sa kabuhi sang mga pumuluyo.
Pahayag pa nila, kun tagaan sila sang kahigayunan nga makuha ang titulo, ila ini pagagamiton agud sila ang mangin tingog sang kadam-an sa oras sang kalamidad para mahatag ang nagakaigo nga bulig.
Dugang pa sang natungdan, madamu pa sang mga patigayunon nga mga aktibidad ang mga kandidata antes ang ila nga coronation night sa Nobyembre 30, 2025 sa Dinggoy Roxas Civic Center.
