ROXAS CITY – UPDATE │ Ginapatihan nga grupo sang mga kawatan ang yara sa likod sang pagpangawat sa mga nanari-sari nga manok sang isa ka game farm sa Barangay Cabugao, Roxas City.
Ini ang ginpahayag ni Alejandro Saldo, handler sang mainterview sang Bombo Radyo.
Suno diri, sa iya nga pagpangusisa sa ila kaiping nga balay, ginpahayag nga alas-2:00 sa kaaganhon sang Marso 25, naganilahay ang mga ido.
Posible man suno diri nga sunado na sang mga kawatan ang lugar bangud madasig lang nga natigayon ang pagpangawat.
Matandaan nga kalakip sa mga nagkaladula amu ang:
16 ka bilog sang ordinaryo nga munga nga nagabalor P10,000 kada isa
6 ka ordinaryo nga pambulang nga P6,000 kada isa
6 ka bilog sang brood Cock nga ginalakipan sang mga masunod nga presyo:
2 ka bilog sang tag P150,000 kada isa
2 ka bilog sang tag P50,000 kada isa
2 ka bilog sang tag P40,000 kada isa kag
4 ka bilog sang brood Hen nga P15,000 kada bilog.
May kabug-osan nga P786,000 nga balor sang mga manok ang nataban sang tubtob sa karon mga wala nakilal-an nga kawatan.
Nahibaluan nga sang tion nga ginkawatan ang amu nga farm, wala nagtulog si Saldo sa amu nga balay bangud gin-updan sini ang iya Iloy sa lain nga balay.
Wala man ini naglaum nga sa iya masobra 3-ka tuig nga pagbantay sang farm sang iya utod, matabo ang amu nga insidente.
