ROXAS CITY – Ginahangkat nga ipaidalum sa drug test ang tanan nga mga kandidato sang Sangguniang Kabataan (SK) agud mapamatud-an nga wala ang mga ini sang may ginatago.
Sa interview sang Bombo Radyo kay Honorable Renzo Teves Capiz SK Federation President, ginpahayag sini nga dako ini nga bulig para sa ila ilabi na sa mga kabtaan agud mahibaluan nga isa ka maayo nga ehemplo ang isa ka kandidato sa tion nga mapamatud-an nga mangin negatibo ini sa amu nga test.
Suno kay Teves, kumpyansa siya nga 90 tubtob 100 porsyento nga negatibo sa drug test ang iya tanan nga mga nasakupan nga mga SK bangud isa ini suno diri ka mandato nga malikaw ang mga kabataan sa subong sini nga buluhaton.
Dugang pa sini nga nagapatigayon sila sang mga symposium agud mapahibalo kag mahatagan sang leksyon, ang mga SK kag mga kabataan kun paano makalikaw nga makasulod ukon maganyat sa iligal nga mga buluhaton.
Pananglitan suno kay Teves nga mangin positibo ang isa ka kandidato sa SK sa drug test, gilayon ini nga madisqualify bangud isa ini ka paglapas sa ila pagsulundan.
Mensahe sini sa mga magapadalagan sa SK, hibaluon kag amligan ang ila responsibilidad nga sudlon sa diin makabulig sa tanan nga mga kabataan.
Samtang, para naman sa mga botante mangin hilway nga magpili sang mga kandidato nga botohon apang siguraduhon lamang nga isa ka maayo nga ehemplo sa kabataan kag sarang tindugan ang responsibilidad nga ginhatag sa ila.
