Nagapanawagan ang Kilusang Magbubukid ng Pilipinas (KMP) sa gobyerno nga maghatag sang gilayon nga subsidiya sa mga mangunguma
kasunod sang panibag-o nga saka-presyo sa gasolina, diesel, kag kerosene.
Suno kay Danilo Ramos, chairperson sang KMP, dako ang epekto sang pagtaas sang presyo sa income sang mga mangunguma kag mahimo man magpataas sang ila nga pagpangutang. Apektado man ang mga mamumugon, manugpangisda, transportasyon, kag pangkabilugan nga konsyumer.
Ginsambit sang KMP nga ang global crude prices ang naglapaw na sa $80 per barrel kag possible nga maglab-ot sa $100 kun maglala ang kinagamo sa Middle East kag ma-delay ang dalagan sang gatong sa Strait of Hormuz. Bangud sini, ginapanawagan sang grupo ang gilayon nga fuel subsidies kag suporta sa farm inputs kasubong sang fertilizer kag pesticides agud mabuhinan ang nagataas nga gastos sa produksyon.
