Nagalaum nga mahatagan man sang fuel subsidy ang mga manugpangisda sa Barangay Libas, Roxas City, kasunod sang padayon nga pagsaka sang presyo sang gatong bangud sa nagalala nga tensyon sa Middle East.
Sa interview sang Bombo Radyo kay Punong Barangay Jobby Nalica, kag operator man sang motor banca, iya ginpahayag nga dako gid ang epekto sang pagasaka sa presyo sang krudo sa pangabuhian sang mga manugpangisda sa ila barangay.
Suno kay Nalica, nagalab-ot sa 300 tubtob 400 kada litro sang krudo ang nagamit sa isa ka adlaw nga pagpanagat, kag nagalab-ot naman sa 500 kada litro ukon sobra pa kun duha ka adlaw ang ila nga pagpanagat.
Dugang pa niya, kun magsaka pa gid sa P100 ang presyo sa kada litro sang krudo, posible nga indi na makapadagat ang iban nga mga manugpangisda bangud tuman na kamahal sang gatong.
Nahibaluan nga yara sa P9 tubtob P24 sa kada litro ang pagsaka sang gatong subong nga semana.
