Nagalaom ang mga manunudlo sa Western Visayas sang ₱15,000 across-the-board monthly salary increase kasunod sang ginpatigayon nga Newly Promoted Teachers Mass Oath Taking sa Villareal Stadium Roxas City.
Sa interview sang Bombo Radyo kay Ronell Franklin Peñalosa, gin-promote bilang Teacher 4, iya ginpahayag nga ang amo nga promosyon dako nga bulig para sa ila, ilabi na nga yara na siya sa 16 ka tuig nga serbisyo sa edukasyon.
Suno kay Peñalosa, ang dugang nga sweldo nga ila ginapanawagan indi lamang para sa personal nga kinahanglanon kundi para man sa mas maayo nga suporta sa ila pamilya, ilabi na sa subong nga may yara sang krisis.
Nagapangabay ini nga pamatian sang gobyerno ang ila panawagan agud mahatagan sang mas insakto nga kompensasyon ang ila ginahatag nga serbisyo sa komunidad.
