ROXAS CITY – Naglab-ot na sa 16 tanan ka mga indibidwal ang nadakpan sang kapulisan sa probinsya sang Capiz bangud sa pagbayolar sa ginapatuman nga gun ban sang Commission on Elections(Comelec).
Sa interview sang Bombo Radyo kay PCAPT Merry Chris Dela Cruz, Spokesperson sang Capiz Police Provincial Office, iya ginpahayag nga sa 16 nga nadakpan, 15 ang nabaklan sang pusil kag 1 ang sa police response samtang nagdangat naman sa 18 tanan ka armas-luthang ang nakumpiskar.
Suno kay Dela Cruz nga padayon ang ila pagbantay kag wala untat ang buy-bust kag search warrant operations sang kapulisan.
Samtang, ginpasiguro man ni Dela Cruz nga bukas ang komunikasyon sang kapulisan 24 oras kag ginapasalig sini nga mapabilin ang kalinong kag katawhay sa Capiz sa palaabuton nga eleksyon sa Mayo 12.
