ROXAS CITY – Nagdangat sa 7 ka persona ang nadakpan nga naglapas sa COMELEC gun ban humalin sang nagsugod ini sang Agosto 28.
Ini ang ginkumpirmar ni Police Major Ruby Magallanes, Public Information Officer (PIO) sang Capiz Police Provincial Office (CPPO) sang mainterview sang Bombo Radyo.
Sa nasambit nga numero anum sa mga nadakpan ang naglapas sa gun ban kag isa ang nakuhaan sang deadly weapon.
Suno kay Magallanes, napasakaan na sang kaso ang anum nga nadakpan nga nadakpan samtang natalana nga pasakaan pa lang ang nadakpan sa Mambusao matapos magtuyo nga magsulod sa Hall of Justice nga may dala sang 45 pistol, duha ka magazine kag live ammunition.
Tuyo sini nga tikang nga mapasiguro nga wala sang nagalagaw nga indibidwal nga may ginabitbit nga armas sa panahon sang election period.
