Ginaengganyo sang grupo sang mga negosyante ang gobyerno nga dugangan pa gid ang pag-export sang mga lokal nga produkto sang Pilipinas padulong sa Middle East.
Suno sa Federation of Filipino-Chinese Chambers of Commerce and Industry Inc. (FFCCCII), dapat hingalitan sang gobyerno ang bag-o nga free trade agreement sa tunga sang Pilipinas kag United Arab Emirates ukon UAE.
Ginkalipay sang grupo ang pagpirma sang Comprehensive Economic Partnership Agreement ukon CEPA, nga makabulig sa pagbaligya sang mga produktong Pilipino sa iban nga pungsod.
Ginpanawagan man nila nga indi lang OFW ang ipadala sa Middle East, kundi pati man ang mga produkto sang Pilipinas.
Sang nagligad nga semana, nagbisita si Presidente Ferdinand Marcos Jr. sa UAE agud pagagpag-unon ang relasyon kag kooperasyon sang duha ka pungsod.
