ROXAS CITY -Nagdagsa ang mga pasahero sa Roxas City Integrated Transport Terminal nga nagpadulong sa mga kabanwahan kadugangan sang pagpaidalom na Modified General Community Quarantine sa probinsiya sang Capiz.
Ginpahayag ni Gabriel nga temprano pa ini nagpadulong sa terminal agud makasakay padulong sa probinsiya sang Iloilo.
Suno diri nga may yara sang bus nga nag-abot sa terminal apang wala na ini nila maabtan.
Ginalauman naman sini nga may pagsaka sa pletehen sang bus bangud limitado lamang ang ginapasakay nga mga pasahero.
Kampante naman ini nga indi pagsitahon sa boarder checkpoint bangud wala na sang may ginapangita nga dokumento ang mga kapulisan sa checkpoint.
Samtang padayon ang pagmonitor sang mga kapulisan sa siyudad sa nasambit nga terminal agud mapasiguro nga hugot nga ginapatuman ang pila ka mga minimum health standards sa mga pampubliko nga salakyan.
Ginpahayag ni Police Staff Sergeant Christopher Dinglasan nga hugot nga ginamonitor sang mga kapulisan ang pagsuksuk sang facemaask, social distancing kag 50% capacity nga pasahero sa mga pampubliko nga salakyan.
