ROXAS CITY – Posible nga indi taga-probinsya sang Capiz ang sa karon grupo sang mga indbidwal nga nagbayad sang peke nga kuwarta sa nagkalain-lain nga merkado publiko ilabi na sa syudad sang Roxas.Ini ang ginpahayag ni PMAJ. Rachel Garnica, OIC sang Roxas PNP sang mainterview sang Bombo Radyo.
Suno diri, may yara na sila namonitoran sang nakaligad nga tuig kag ba-se sa imbestigayon nagikan sa lain nga probinsya ang ginaalegar mga sindakto kag modus sang mga ini ang maghalin-halin sang lugar agud mabiktima ang mga katigulangan kag masaku nga mga manugbaligya.
Dugang pa sang opisyal, may nabalhag ang ila intel agents sang mga makaduluda nga lugar nga posible ginakuwaan sang peke nga kuwarta sang mga ginaalegar sindikato, apang indi pa ini mapalayag sa kahanginan.
Sa karon, apisar wala pa may naaresto sa nasambit nga insidente, nagpatigayon na ang Roxas City PNP pinaagi sa pagdeploy sang mga intel agents sa mga lugar nga masami nagakatabo ang pagpangtunto.
Panugyan ni Garnica sa mga pumuluyo mangin vigilante kag tsekyaron ang kuwarta antes batunon, kag palig-on sini sa mga biktima kag mabiktma pa nga magparekord sa ila talatapan agud gilayon ma aksyunan kag mapasakaan sang kaso ang mga mamonitoran nga nagapangtunto pinaagi sa pagbayad sang peke nga kuwarta.
