-- ADVERTISEMENT --

Nakaplastada na ang mga programa sang Department of Labor and Employment-Capiz Field Office subong nga first quarter sang tuig 2025.

Sa ginpatigayon nga PIA Kapihan: Episode 30: DOLE Capiz Updates, gintuad sang Provincial Director sang DOLE CAPIZ nga si Engineer Michael Gison, nga ang mga programa nga nakaplastada sa first quarter sa sini nga tuig ang ginakalakipan sang Special Program for Employment of Students (SPES)nga tinutuyo nga mahatagan sang oportunidad ang mga estudyante kag maskin ang wala na ga eskwela sang temporaryo nga trabaho, Government Internship Program (GIP)nga tinutuyo nga mahatagan sang kahigayunan ang mga kabataan nga magpanerbisyo sa publiko sa mga government agencies, Tulong Panghanapbuhay sa Ating Disadvantaged/Displaced Workers (TUPAD) mga tinutuyo nga mahatagan sang temporaryo nga pangabuy-anan ang mga indibidwal nga wala sang trabaho, kag KABUHAYAN ukon ang DOLE Integrated Livelihood Program nga tinutuyo ngamahatagan sang nagakaigo nga training kag pasanyugon ang pangabuhi sang mga pigado nga mga indibidwal.

Mahibaluan nga may yara sang 504 ka mga benepisyaryo sa Special Program for Employment of Students (SPES), 8 sa Government Internship Program (GIP), 9,009 sa Tulong Panghanapbuhay sa Ating Disadvantaged/Displaced Workers (TUPAD) kag 430 ka mga benepisyaryo naman sa KABUHAYAN ukon ang DOLE Integrated Livelihood Program.

Samtang may pila man ka mga tikang nga ginpatigayon ang ahensya sa ila sini nga pag-assist sa mga benepisyaryo nga ginlakip sa ila nga lista.