CULASI, ROXAS CITY – Nag amat-amat na evacuate ang pila ka mga pumuluyo sang Barangay Culasi, Roxas City bangud sang Bagyo Uwan.
Sa interview sang Bombo Radyo kay Kagawad Enrico Joseph, iya ginpahayag nga bangud sa mabaskog nga hampak sang balod kag taob rason nga madamu ang mga nag-evacuate bangud sang kakugmat.
Suno kay Kagawad Joseph, bastante ang ila nga mga evacuation center kag ginsiguro nga ma-akomodar ang tanan nga magapadulong pa.
Pahayag pa niya, may pila ka mga panimalay kag salakyan pandagat ang nagguba bangud sa mabaskog nga balod sa baybayon.
Nagapanawagan man ang natungdan sa mga pumuluyo nga mangin aligmat kag gilayon na nga mag-evacuate kun indi na maayo ang sitwasyon bangud sa malain nga panyempo.
Interviewed by:Bombo Francis Biñas
