Ginpanginwala ni Senator Erwin Tulfo ang emosyonal nga pahayag ni Senator Pia Cayetano nga wala sang bisan sin-o gikan sa minority bloc ang nagkamusta sa sa mga senador nga nabilin sa sulod sang building matapos nagluntad ang shooting incident sa Senado snag Mayo 13.
Suno kay Tulfo, mahimo nga wala mabasa ni Cayetano ang ila official WhatsApp group chat para sa 20th Congress nga ginalakipan sang mga katapo sang majority kag minority block.
Gin-athag an sang senador nga madamo sa ila ang gilayon nga nagpadala sang mensahe agud magpamangkot sa sitwasyon sang ila mga kaupdanan.
Dugang pa ni Tulfo nga lakip sa mga nag-chat kag nagpabutyag sang ila concern amo sanday anay Senador Kiko Pangilinan, Senador Bam Aquino, kag Senador Sherwin Gatchalian.
Magluwas sa paathag, nagsabat man si Senador Camille Villar sa group chat mga alas 9:55 sang gab-i agud magpabutyag sang iya pagpasalamat kag nagpasalig nga safe sila sa sulod pinaagi sa pagsiling nga, “Salamat, we’re all okay.”
Ang reaksyon ni Tulfo ang kasunod sang privilege speech ni Cayetano sang Miyerkules, Mayo 20, kon sa diin nangin emosyonal ang senador kag ginpakamalaut ang pahayag ni Senador Risa Hontiveros kag ang minority nga daw kaangay nga wala nila ginasapak ang kahadlok nga naeksperyensyahan sang mga nabilin sa sulod sang Senado sang gab-i sang insidente.
