Dakop sang bana ang iya asawa matapos nga nagsulod sa isa ka lodging house kaupod ang ”lover” sa Iloilo City.
Ang mag-asawa amo sanday si Alyas Lin, 40 anyos samtang ang bana sini amo si Alyas Bugoy, Civil Engineer kag residente sang Pavia, Iloilo.
Ang lover naman sini amo si alyas Jun, 30 anyos, seaman residente sang Roxas City, Capiz.
Santo sa imbestigasyon ang mga otoridad siyam ka tuig na nga kasado ang mag-asawa kag nag-amat-amat nga nagdula ang gana sang asawa sa relasyon.
Nagkilalahay ang asawa kag lover sini sa Facebook sang Enero 2026 kag ginapahayag si misis mismo ang nag-inisyar nga magkita sila sa lodging house.
Ginsundan sang bana ang iya asawa kag nagpangayo bulig sa kapulisan pinaagi sa 911, nga nagresulta sa pagkadakop sang duha.
Nahibaluan nga indi na ini una nga kahigayunan nga naglu-ib ang asawa, pero ginpatawad siya sang bana sa paglaum nga magbag-o para sa ila bata.
Pursigido naman ang bana nga mapasakaan sang kaso nga adultery ang lalaki nga upod sang iya asawa.
