ROXAS CITY – Pilason ang 41-anyos nga mister matapos nga ginbuno sang kaugalingon nga misis sa Barangay San Jose, banwa sang Dumalag.
Ginkilala ang mag-asawa nga sanday alyas “Toto” kag “Tin-tin” lunsay residente sang nasambit nga lugar.
Sandig sa imbestigasyon sang Dumalag MPS, may nagluntad nga indi pag-intindihanay sa tunga sang mag-asawa kag ginaalegar nga ginsakit ni “Toto” ang iya misis rason nga madasig ini nagkuha sang kutsilyo kag ginbuno.
Bangud sa natabo, nag-angkon si “Toto” sang pilas sa tiyan kag ginpadangat sa Tapaz District Hospital para sa nagakaigo nga pagbulong kag yara na sa stable nga kondisyon.
Ginaalegar nga may deperensya sa paminsaron ang misis nga posible nagtrigger diri ang pagsakit sang iya asawa.
Gin-refer naman sang kapulisan sa isa ka Mental Health Facility agud ma monitor ang kondisyon sini.
Samtang, indi na magpasaka sang kaso si “Toto” batuk sa iya misis.
