ROXAS CITY-Pilason ang 46-anyos nga lalaki matapos nga naaksidente sa motorsiklo nga ginasakyan sa Barangay Santa Cruz, Dumalag, Capiz.
Ginkilala ang napilasan nga si Vicente Pandad, residente sang Barangay Consolacion sa nasambit nga banwa.
Sandig sa inisyal nga imbestigasyon sang Mambusao Municipal Police Station nagaguha nga samtang ginasubay sang biktima ang dalanon hinali na lamang ini nga nadulaan sang kontrol sa pagmaneho rason nga natumba ini sa dalan.
Apang antes nga natumba, aksidente nga nabungguan ini sang kasugata nga salakyan sang Capiz Electric Cooperative (CAPELCO) nga ginamaneho ni Jose Ronnie Casabon residente sang Barangay Timpas, Panitan, Capiz.
Nag-angkon sang pilas sa ulo ang biktima nga gindala sa Dao District Hospital kag padayon nga ginabulong.
Sa karon yara na sa kustodiya sang mga kapulisan ang motorsiklo sang biktima.
