Mixed movements sa presyo sang gatong, lauman sa masunod nga semana — DOE

Lauman ang mixed movements sa presyo sang mga produktong petrolyo sa masunod nga semana, suno sa Department of Energy (DOE).

Suno sa DOE-Oil Industry Management Bureau gikan sa pangkalibutanon nga trade sang gatong sa nakaligad nga apat ka adlaw, posible nga magapatuman sang masunod nga presyo ang mga oil industry sources:

Gasolina – wala sang paghulag ukon maganubo sang ₱0.10 kada litro

Diesel – magasaka sang mas ukon menos ₱0.50 kada litro

Kerosene – magasaka sang mas ukon menos ₱0.30 kada litro

Suno kay Assistant Director Rodela Romero, kalakip sa mga factor nga nakaapekto sa paghulag sang presyo amo ang wala ginalauman nga pagnubo sang imbentaryo sang crude oil sa Estados Unidos, nga nagapakita sang maayo nga operasyon sang mga refinery.