PANIT-AN, CAPIZ – Ginareklamo ang isa ka miyembro sang Palayamanan Farmers Association ang punong barangay sang Barangay Enseñagan, Panit-an, Capiz bangud yara sa iya kostodiya ang ila nga pondo.
Suno kay Emily De Montanio nga sumugod nga nagpungko ni Punong Barangay Evan Dorado, ginturn-over na sa iya ang nabilin nga pondo sang association nga ginhatag sang Department of Labor and Employment (DOLE) para sa livelihood program sang nasambit nga barangay.
Ginpahayag ni De Montanio nga ginpondohan sang DOLE sang kapin P444 mil ang meet processing kag pagbakal sang boneless apang ang nabilin nga P162 mil pesos ang ginturn over sang anay treasurera nga si Alani Dunton kay Dorado.
May yara sang memorandum of agreement si Dunton kag Dorado antis ginturn over ang kwarta apang indi mag-ako ang Punong Barangay nga yara sa iya ang nabilin nga pondo.
Apang gindugangan sang kapin 10mil 577 pesos sa diin ini ang ginansya sang nasambit nga association.
Sa karon ginapanginwala ni Dorado nga yara sa iya ang pondo sang asosasyon.
